شف وانا اخوك
المواضيع تنقسم حسب كتابها
النوع الاول
يدعي التحليل وانه فاهم وهو من جنب القده ان ارتفع السوق قال ترانا مرتفعين وان ما عرف سكت ولكن ما يقدر يسكت طويلا فبعض الاحيان يبحث من منتديات اخرى عشان ينقل الارقام وبعضهم ينقل الارقام من هنا فمثلا واحد حاط نقطة الدعم 6135
هو يحطها 6129 والرسم بالشارت ما فيه اسهل منه
النوع الثاني
ان اشترى سهم كتب فيه مقالات كثيره وكبيره حتى انت لو تشوف اسم هالشركه بتداول تحس ان هالشركه المفروض يكون سعرها الف ريال للسهم الواحد والسهم يباع بسعر 14 ريال فقط لاغير وتلقى الكاتب يكتب عن القيمة الدفتريه و منتجات الشركه و يذكر ان السيد جون مونروا ذكر في كتابه الشهير السهم الرابح ان الربح المقسم على اداء السهم مهم جدا
وبعضهم يذكر لك انها كذا وكذا ونسبة النمو كذا وخذ من هالكلام الي ما ينفع لاننا كلنا نعرف ان اغلب الشركات ما توزع ارباح ابدا وان نسبة الربح ستكون من القيمة الدفتريه وليست من قيمة السهم الفعليه
النوع الثالث
وهو محترف جدا وهو مسير وليس بمخير وتلقى له عدة اسماء في كل منتدى
واذا كتب موضوع بداء يرد على نفسه كثير ودايما تلقى اسمه فوق
ولا يمنع من استخدام اسم انثوي بما ان الغايه تبرر الوسيله
وهذا هو من سيخسف بك ولا يهمه من تكون او ايش وضعك
النوع الرابع
هذا نوع يبحث عن المسميات والالقاب نتيجة نقص لديه فهو يبغى انه يكون كاتب متميز يبغى اي رد عشان يرد على الرد دائما موضوعه فوق وفيه مليون مشاركه نصها له لانه يرد على الكل
حتى لو هي جزاك الله خير
تلقاه يرد مرورك اسعدني او واياك اخي الكريم
فاضي
على العموم الله يوفقك ولكن انتبه ان اتبعت شخص من هؤلاء فلا يحق لك انك تشتكيه لان الكاتب حر فيما يكتب وانت حر في مالك لم تغصب على اتباع توصيه معينه او تغصب بشراء او بيع اي سهم
27-08-2010, 09:17 PM
