الاوبشن شرح مبسط

المشاركة الأصلية كتبت بواسطة قوي 999

بيض الله وجهك وشاكر لك تجاوبك لاعدمتك
اللي فهمته انه أنا من يحدد قيمة العربون
في حال دخلت صفقة اوبشن وتوقعته ينزل ونجخ التوقع
كم يكون ربح الصفقة وانا دافع عربون 5000

المشاركة الأصلية كتبت بواسطة ابوعبدالله_

طيب يا اخوان مثلا شريت عقد كان سعر السهم 600 وتوقعت انه بيوصل 620 بعدين نزل السهم 595 والسوق نزل مثل اليوم وحبيت ابيعه قبل اخسر كل فلوسى الى فى عربون العقد ممكن ابيع واوقف الخساره

المشاركة الأصلية كتبت بواسطة ابو سعد2009

يالربع اصبر شوي شوي

انتم تتكلمون بالمصطلحات ((( الأوبشنية )))

واكثر الكلمات ما نفهما لأننا ما قد جربناه نهائيا

-------------------------------------------------

ابغى افهم بشكل بسيط و ممكن يسهل على اللي يقرأون الموضوع

1 - في حالة الشراء كل ما نزل السهم يرتفع قيمة الأوبشن. ( عقد شراء+ينزل السهم = ربح ) والعكس صحيح

2- في حالة البيع كل ما ارتفع السهم ترتفع قيمة الأوبشن. ( عقد بيع +يرتفع السهم = ربح) والعكس صحيح

3- نسبة الخسارة هي العربون المدفوع لكن نسبة الربح كيف تحسب

4- هل سعر عقود الأوبشن تختلف عن سعر السهم ؟؟؟؟؟

5- هل يوجد موقع للوسيط او بنوكنا اتابع العقود والأسهم مثل مباشر بنوكنا لسوقنا ؟؟؟؟

6- لو فرضنا رحت للبنك هنا بالرياض كم اقل مبلغ بالريال علشان اتداول بالاوبشن ؟؟

7- لو افترضنا انا حطيت صفقة و ربحت ربح مجزي هل يمكن اغلق الصفقة قبل وقتها؟

8- هل العقود مدتها اسبوعية وشهرية فقط او كم اقل مدة و اعلى مدة ؟؟

9- اشوف ناس يقولون تضارب والعقود مدتها اسبوع وشهر كيف تضارب يومي ؟؟؟

10- اللي بيجاوب على هالأسئلة اشكرك مقدما وبارك الله فيك

المشاركة الأصلية كتبت بواسطة ابو سعد2009

يالربع اصبر شوي شوي

انتم تتكلمون بالمصطلحات ((( الأوبشنية )))

واكثر الكلمات ما نفهما لأننا ما قد جربناه نهائيا

-------------------------------------------------

ابغى افهم بشكل بسيط و ممكن يسهل على اللي يقرأون الموضوع

1 - في حالة الشراء كل ما نزل السهم يرتفع قيمة الأوبشن. ( عقد شراء+ينزل السهم = ربح ) والعكس صحيح

2- في حالة البيع كل ما ارتفع السهم ترتفع قيمة الأوبشن. ( عقد بيع +يرتفع السهم = ربح) والعكس صحيح
نجاوب على السؤالين فهمك خطأ للاوبشن ...لو شوفت الشارت الي نزلته راح تفهم الطريقه... الاوبشن عباره عن عقدين كول ولا بوت...عقد كول يكون علاقته طرديه مع السهم يعني لمن يرتفع السهم راح يرتفع معاه العقد ولمن ينزل السهم راح ينزل....وعقد البوت علاقته عكسيه مع السهم يعني لمن ينزل السهم راح يرتفع عقد البوت ولمن يرتفع السهم راح ينزل البوت هذي في حاله شراء العقود....اما في حال بيع المكشوف للعقود طبعا هذي فقط في الحسابات الكبيره فيكون عكس تمام بيع كول تكسب مع نزول السهم والعكس بيع البوت تكسب مع ارتفاع السهم ...طبعا هذي الطريقه مره خطره

3- نسبة الخسارة هي العربون المدفوع لكن نسبة الربح كيف تحسب
الربح في حال شراء العقد يكون مفتوح لانهائي...في بعض برامج تداول تحسبلك كم راح يكون سعر العقد لمن يكون السهم في سعر ما....اما في حال بيع العقدالمكشوف (الشورت) نسبه الربح فقط في العربون يعني 100 بالميه ولكن الخساره تكون قاتله ممكن تصفر حسابك في المحفظه بالكامل

4- هل سعر عقود الأوبشن تختلف عن سعر السهم ؟؟؟؟؟
طبعا في اختلاف الاوبشن عباره عن عربون شراء ولا بيع السهم بسعر محدد... سعر عقد الاوبشن يعتمد على فارق بين سعر السهم الحالي وعامل الداخلي مع عامل الزمن وعامل التذبذب

5- هل يوجد موقع للوسيط او بنوكنا اتابع العقود والأسهم مثل مباشر بنوكنا لسوقنا ؟؟؟؟
طبعا في والافضل تفتح عند وسيط خارجي ..عشان العمولات اقل وبرنامج التداول متطوره...عندك ايميرتريد ولا الاوبشن اكسبرس

6- لو فرضنا رحت للبنك هنا بالرياض كم اقل مبلغ بالريال علشان اتداول بالاوبشن ؟؟
ما اعرف ولا انصحك بالفتح عند البنوك السعوديه عشانهم حراميه بالعمولات

7- لو افترضنا انا حطيت صفقة و ربحت ربح مجزي هل يمكن اغلق الصفقة قبل وقتها؟
نعم يمديك تغلق الصفقه في اي وقت تبغاه حتى لو بعد ثانيه بس لا تنسي العمولات

8- هل العقود مدتها اسبوعية وشهرية فقط او كم اقل مدة و اعلى مدة ؟؟
نعم في عقود شهريه في كل شهر مثلا نوفمبر وديسمبر ويناير وفبراير ومارس وهكذا لمده سنه كامله متوفره ويمديك تشتري فيها..ولك الحريه في الاختيار بينها ..ألعقود الاسبوعيه تكون متوفر في بعض الشركات

9- اشوف ناس يقولون تضارب والعقود مدتها اسبوع وشهر كيف تضارب يومي ؟؟؟
يمديك تضارب فيها لحظي لو تبغي...ـتشتري وتبيع خلال ربع ساعه ولا دقيقه على حسب تذبذب السهم بس لازم يكون رصيدك فوق 25 الف دولار

10- اللي بيجاوب على هالأسئلة اشكرك مقدما وبارك الله فيك