logo

هوامير البورصة السعودية > الاقسام العامة لموقع هوامير البورصة > قصائد الهوامير

عهـدي بهـا قــدام تلـبـس عبـايـه



قديم 27-08-2007, 07:02 PM
  المشاركه #1
الغالي
كاتب قدير
تاريخ التسجيل: May 2005
المشاركات: 23,849
 


عهـدي بهـا قــدام تلـبـس عبـايـه

بسم الله الرحمن الرحيم

هذه القصيدة طرحتها مسبقاً في قسم الأسهم السعودية

وبناء على طلب أخي العزيز new heart قمت بأعادة طرحها هنا


عهـدي بهـا قــدام تلـبـس عبـايـه
وانا بعـد قبـل البـس شمـاغ وعقـال

طفليـن نتهجـى حــروف الكتـابـه
الله يامجـمـل سوالـيـف الاطـفــال

كانـت لنـا فـي كـل شـارع حكايـه
وكنـا نقـول علـوم ماهيـب تنـقـال

وكنـت اتقـاسـم مامعـاهـا معـايـه
من ( عسكريم ) التوت ل(العلك) بو ريال

وكانـت بعكسـي شاطـره بالقـرايـه
تقـرأ جـزء عـم وطــه والأنـفـال

وانـا لـك الله مـن مـواري غبـايـه
مدري ابو نقطـه هـو الـذال او الـدال

وكانـت لابويـه تشتكـي مـن شقايـه
وتعلمـه كيـف اربـط البـاب بحبـال

ياما على ظهـري كسـر مـن عصايـه
يقول لي : خلـك وانـا ابـوك رجـال

وامـي تقـول : ادع لولـدك الهـدايـه
خوفي يصيبـه كثـرة الضـرب بهبـال

لا شفتهـا مـع اول الــدرب جـايـه
مدري انا اللي ملـت والا الوطـا مـال

أحـس قلبـي يرتجـف فـي حشـايـه
ماكنـه الا الضيـف لا هـز فنـجـال

ياما عـن ( السعلـي ) تخبـت ورايـه
لا خوفوهـا فيـه ثـم شافـت ظــلال

تقـول خـلـك يــا(.......) معـايـه
واستانس العـب عندهـا دور الابطـال

واغـار حتـى مـن عيـون اصدقايـه
لاطالعوها قلـت تكفـووووون ياعيـال



بصراحه لا أعلم من قائلها
الموضوع الأصلي : اضغط هنا    ||   المصدر :

قصائد الهوامير
 
  
قديم 28-08-2007, 07:38 AM
  المشاركه #2
مهلي
كاتب قدير
تاريخ التسجيل: Apr 2005
المشاركات: 5,333
 



تسلم يالغالي على النقل

وصح لسان شاعرها






قديم 28-08-2007, 10:23 PM
  المشاركه #3
new heart
عضو موقوف
تاريخ التسجيل: Jul 2006
المشاركات: 1,157
 



مشكور يالغالي الغالي ........ وانا ادورها في الاستراحة قلت شكل القصيدة هنا .....
وأخيراااااااامشاركة: عهـدي بهـا قــدام تلـبـس عبـايـهمشاركة: عهـدي بهـا قــدام تلـبـس عبـايـه
مشكور حبيب البي



قديم 15-09-2007, 08:04 AM
  المشاركه #4
][غشيم][
راعي مشاكل
تاريخ التسجيل: Sep 2006
المشاركات: 2,826
 



بارك الله فيك



قديم 20-09-2007, 02:27 PM
  المشاركه #5
غافل الهم
عضو هوامير المميز
تاريخ التسجيل: Mar 2007
المشاركات: 1,946
 



بارك الله فيك وجزاك الله خيرا






الكلمات الدلالية (Tags)

بهـا

,

تلـبـس

,

عهـدي

,

عبـايـه

,

قــدام


«

§ اخــــر صفحــه§

 |

الموت ,,,,,,,,,,,,,,,, شعرا

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


12:29 AM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.