... هل لازم اذبح لناس عزموني وليس لي العشاء.. هل لازم اعزمهم

المشاركة الأصلية كتبت بواسطة طريد البر

اخي ابو اثير كلامك ع العين والراس لكن من منطلق الرجوله والشهامه والنخوه والكرم يعزمهم كصوره ووجه رجال جماله لنفسه ولخويه اولا وللناس بعدها الحاضرين وشي شبه اكيد بيعتذرون لكن الرجال تجمل بالعزيمه وبالوجه الطيب

المشاركة الأصلية كتبت بواسطة نوره بنت خالد

من عدات العرب وخاصه عند البادية اذا حضرت عشاء ضيف لازم تقدم عزومه للضيف واذا قال تم تشمل بالعزيمة كل المتواجدين بالمجلس

هذي عادت ثابته لا يمكن تتغير اما تجي وتتعشاء وتغسل يديك وتمشي هذا مايصير مره

المشاركة الأصلية كتبت بواسطة الخاطوف

اشكر كل من علق وابدى رأيه اشكركم من الأعماق الموضوع طار نسبة..... 🌹 💚
بس ياخوان والله ان الذبح والصلخ والعزايم انه عقايب وتعذيب و وعذاب...
تروح للسوق وتدور الذبيحة الزينة تكون برية ونظيفه ماهي مشبوكة في الشبك لها سنه لحمها اسود
هم تدور صلاخ ويشلوط الراس وينطف اللحم هم تروح عاد تطبخ في البيت او تدور مطبخ نظيف هم تروح تجيب العشاء من الطباخ او المطعم او اذا بالبيت. تغرف هم ترتبه هم تزبطه وتنسق تصفيف العشاء هم تقول تفضلوا حياكم الله هم بعد ذلك تروح تنظف المكان وتغسل هذا غير عمل الشاهي والقهوه والمغاسل والعود. وغيرة الخ الخ الخ والبببسي. اهم شي.. والكلونية بعد الغسيل. يخوي ووووين. يوم يروحون من عنك الا ظهري فيه ٧٧ علة و٥٥ وجع ٢٢ الم.. يعمي راح عمري كله خدمات صرت مطعم. كم بتعيش يالإنسان سنه كلها ٦٠ والا ٧٠ ومع السلامة.
حتى لو عندك اولاد وخوان والحمد انا عندي بس ياخي بعد هم بيتعبون بدون اي فائدة
واحس مو من حقي اتعبهم بعزايمي

المشاركة الأصلية كتبت بواسطة عبق التراث

يعني ... اعراف او عادات وتقاليد والا الضيافه قلت اهميتها عن اول كثير في عصر الطيارات والسيارات والفنادق والشقق المفروشه

اذا عزمك احد على عزيمة ضيف فالمفروض ان الجميع ماهو بس انت يعزمون الضيف او يعرضون عليه جانب العزيمه اللي المفروض ايضا يعتذر ويشكر اللي عزموه ويقول اهم شي الجمعه والمشاهده ومن هالكلام

اذا كان انت اقرب المعزومين للعازم فالمفروض انت تتحمل المسئوليه رقم 1 في عزيمة الضيف او الخرفشه عليه بالسعفه

اذا فيه غيرك اقرب للعازم فيجب عليهم يكونو اول من يعزم الضيف او يخرفش مجرد خرفشه المهم يتكلم ويعزم الضيف تكريما للعازم علشان يبيضون وجهه عند ضيفه

اللي نقل الكلا حسب موقعه قد يكون مخطئ بنقل الكلام وقد يكون منصح ... (اين موقعه من الاعراب)

المشاركة الأصلية كتبت بواسطة جيد جدا

انت ماتعرف الضيف صحيح، لكنك تعرف المضيف اللي عزمك على العشاء، فمن باب تقدير الشخص اللي عزمك اعزم ضيفة أن وافق يامرحبا وان رفض مرحبتين، وذلك تقديرا لمعزبك.

اما اذا ماعزمت فلا يلحقك شي ابدا، ولا لهم حق يزعلون، المسألة جميل لك وانت أن تجملت لنفسك وان ماتجملت فلايلحقك مايمحقك..

وانا استغرب ان فيه ناس باقي يتمسكون بالكلام الفاضي هذا.

المشاركة الأصلية كتبت بواسطة الخاطوف

اهلا بكل الأحبة
عزمني شخص على عشاء هو ذابح لشخص آخر
حضرت العشاء وتعشينا وتقهوينا وكان عشاء متكتك ٣ ذبائح وشغل نظيف. المهم انتهت السالفه بعدين جاني خبر. انهم يقولون فلان تعشاء معنا ولا عزمنا.
الصراحة زعلت من كلامهم. انا شخص كريم بس ما كنت عارف انه لازم اعزم. لان العشاء ماهو لي.. مسويه الشخص هذا لصديقه
هل تركي لهم عيب. وشكرا