السلام عليكم .. يا اخوان هل يوجد طريقه لعلاج صرع الاطفال بالقرع؟

المشاركة الأصلية كتبت بواسطة ابوعبد الرحمن1

كم عمرها الله يشفيها

المشاركة الأصلية كتبت بواسطة تباًللمستحيل!

اقول لا تكثر الادوية عليها
اعرف ناس يوم هم صغار يجيهم صرع
واستخدمو الديباكين
وشفاهم الله

المشاركة الأصلية كتبت بواسطة خالد جديد

بدت بالعلاج من عمر 8سنوات .الان عمرها 10

المشاركة الأصلية كتبت بواسطة عبدالله2009

المشاركة الأصلية كتبت بواسطة فارس العمران

سؤالي يا صاحب الموضوع :

هل المريضة التي تعاني من صرع ..تعاني من أمراض ؟
يعني لما سوت أشعة رنين مغناطيسي على المخ ..هل فيه ورم مثلا ؟
وش قال المستشفى بعد الكشف عن الفحوصات...
وإلا كل شيء فيها طبيعي ..وفجأة تنصرع وتتشنج...

وأنا بجاوبكـ ..لأني أعاني من الصرع ..

والله يشافي المسلمين والمسلمات ..

المشاركة الأصلية كتبت بواسطة خالد جديد

عملنا لها اشعه مقطعيه وتخطيط للمخ ورنين مغناطيسي قبل سنتين ويقول في كهربه بسيطه بالراس
وقبل شهور عملنا لها تخطيط للمخ قالو سليم
وبعد العيد عندها موعد رنين مغناطيسي ..لكن تشخيصهم ان الصرع بسبب نقص الاكسجين اثناء الولاده
لا اخوي مامعها امراض اخرى ولله الحمد

المشاركة الأصلية كتبت بواسطة فارس العمران

الحمدلله على سلامتها ..شوف وأنا أخوك ..برتب لك النقاط عشان تتضح الصورة :

- الصـرع ما له علاج نهائي << بقول لك ليش

- الصرع هي حالة فقدان الوعي (الاغماء والنوم) أما التشنج هي لما تشد اليدين والرجلين ويصير المريض يرافس وكل الخوف أنه يعض لسانه ويقطعه أو يبلعه والسبب ان عضلات الفكين تشد على بعض.

- جسم الإنسان يتحكم فيه أمرين : الهرمونات (كيمياء) + الأعصاب (كهرباء) لذلك تشوف ناس عمالقة وأقزام وطبيعيين وعاطفيين ورجوليين وأذكياء وعاديين ..أما اليدين والعضلات والعظام والدم والمعدة والمخ وغيرهم فهذي كلها أعضاء ..و اللي يتحكم فيهم كلهم هرمون + أعصاب.

- عندك جهاز كمبيوتر فيه كهرباء عالية ..فـ تلقى الجهاز سريع بالشغل لكن عندك جهاز فيه كهرباء ضعيفة..فـ تلقى الجهاز ضعيف بالأداء.

- مريض الصرع زي الجهاز ..المخ هو مركز العمليات والمعلومات وتنتقل بالكهرباء ..لذلك الكهرباء لما تزيد بالمخ...يصير المخ يشتغل سريع وبالتالي لازم يتخلص من الكهرباء هذي عشان حماية للمخ..شلون ؟

- تنتقل الكهرباء الزايدة من المخ الى الأطراف وبالتالي يتشنج المريض ويصير يرافس وأثناء هالمرافسة ..تتسرب الكهرباء الزايدة من الأطراف لخارج الجسم (سبحان الله).

- ليش الكهرباء زايدة في المخ ؟ عشان النمو السريع للمخ قبل الجسم ..لذلك وخذها قاعدة عندك..مريض الصرع بالابتدائي تجيه نوبات أكثر من المتوسط أكثر من الثانوي ثم بالجامعة تقل ..ليش ؟

- لأن الطفل نموه متسارع من الصغر الى ان يصل البلوغ ..وبالتالي المخ عنده ينمو بتسارع قبل الجسم ..الى ان يصل البلوغ أو العشرين سنة ..فـ تلاقي ان جسمه والمخ اكتمل وصاروا متجانسين بالنمو.

- لاحظ شغلة ..ما قلت لك فوق ان المخ فيه زي الجهاز فيه كهرباء زايدة ..يعني شغل سريع لذلك تفكير سريع ..لذلك مريض الصرع غالبا يجي ذكي أو فيه صفة نبوغ أو حفظ أو فهم سريع متفوق على أقرانه.

- أشهر علاج هو الديباكين ..و أدوية الصرع هدفها تخفيف عمل الكهرباء وليس علاج سبب الصرع يعني العلاج ما يروح مباشرة للمخ أو يروح للأعصاب ويعالج السبب..بل العلاج هدفه هو التأثير على الكهرباء بشكل عام على الجسم عشان ما يزيد عن الحد ..يعني زي العازل الخفيف على الأعصاب وبالتالي يخفف من الكهرباء عشان ما يتشنج المريض وينصرع..ولاحظ ان حتى مريض الصرع أحيانا ينصرع وهو مواظب على الدواء ..لكن الطبيب يزيد الجرعات عشان يقلل من الكهرباء لذلك تشوفه يسأل عن تاريخ+عدد النوبات +مقدار الجرعات عشان يوزن الجرعة.

- بعد الشرح هذا ..لا أحد يضحك عليك ويستغفلك ويصنع أساطير وخرافات عن مرضى الصرع وانهم مسحورين أو يبي لهم علاج خارق بالخارج.

والله يشافي المسلمين والمسلمات.

المشاركة الأصلية كتبت بواسطة خالد جديد

الله يجزاك خير صحيح البنت تتشنج واحيان بعد ماتتشنج يغمى عليها لكن قلما
بخصوص هل يوجد علاج او لا .. فـ اكيد الاجابه نعم يوجد علاج ناس كثير تشافو من الصرع عن طريق الطب الشعبي او الحديث
ماانزل الله داء الا وله دواء