logo

هوامير البورصة السعودية > الاقسام الرئيسية لموقع هوامير البورصة > ساحات الهوامير المفتوحة

ابي مبرر مقنع يخليني اشتري ارض مترها ب5000 وزود



صفحة 3 من 4
1
2
3
4
قديم 13-03-2021, 04:08 PM
  المشاركه #25
بريتا
عضو موقوف
تاريخ التسجيل: Dec 2020
المشاركات: 1,051
 


ابي مبرر مقنع يخليني اشتري ارض مترها ب5000 وزود

فيه ناس من طبقه معينه مايبون ناس من طبقه معينه يسكنون معهم

فيه ناس من ديار محدده مايبون ناس من ديار معينه يسكنون جنبهم



 
  
قديم 13-03-2021, 04:27 PM
  المشاركه #26
العذار
عضو هوامير المميز
تاريخ التسجيل: Sep 2007
المشاركات: 12,768
 



اقتباس:
المشاركة الأصلية كتبت بواسطة فرساني
بالرياض مثل الملقا والعقيق
والقهر أنها ارض سكنية مو تجارية وش الفائدة منها يعني لو امتلكتها بكون رجل نبيل واصير سير وذوق زي بريطانيا

رد: ابي مبرر مقنع يخليني اشتري ارض مترها ب5000 وزود
مثل إلي اقتنع في شراء سيارة بنصف مليون أو مليون ومثل من اقتنع في شراء كأس قهوة ب 24 ريال وجوال ب 5000 ريال وسافر سياحة لأوربا ب 50 و70 ألف ريال
الملقا والثغر وعقيق الموسى لها أهلها وناسها من أهل الثراء والوجاهة ومن يملك المال والسيولة
الغلاء طال معظم الأحياء وتجاوزت الأسعار شمال طريق الملك سلمان 3000ريال
المحافظات والقرى الريفية حول الرياض أفضل كخيار سكن لرخصها وقلة تلوثها ونقاء أجوائها وانعدام الزحام فيها وإذا بغيت الرياض وصلته





قديم 13-03-2021, 06:03 PM
  المشاركه #27
extra22
عضو هوامير المميز
تاريخ التسجيل: Mar 2012
المشاركات: 2,687
 



اقتباس:
المشاركة الأصلية كتبت بواسطة العذار
مثل إلي اقتنع في شراء سيارة بنصف مليون أو مليون ومثل من اقتنع في شراء كأس قهوة ب 24 ريال وجوال ب 5000 ريال وسافر سياحة لأوربا ب 50 و70 ألف ريال
الملقا والثغر وعقيق الموسى لها أهلها وناسها من أهل الثراء والوجاهة ومن يملك المال والسيولة
الغلاء طال معظم الأحياء وتجاوزت الأسعار شمال طريق الملك سلمان 3000ريال
المحافظات والقرى الريفية حول الرياض أفضل كخيار سكن لرخصها وقلة تلوثها ونقاء أجوائها وانعدام الزحام فيها وإذا بغيت الرياض وصلته
فين المحافظة او القرية الكويسة اللي سعرها كويس

دلنا الله يجزاك خير



قديم 13-03-2021, 09:48 PM
  المشاركه #28
فرساني
عضو هوامير المميز
تاريخ التسجيل: Oct 2011
المشاركات: 4,905
 



اقتباس:
المشاركة الأصلية كتبت بواسطة بريتا
فيه ناس من طبقه معينه مايبون ناس من طبقه معينه يسكنون معهم

فيه ناس من ديار محدده مايبون ناس من ديار معينه يسكنون جنبهم
يارجال الواحد جاره ما يعرفه بهذا الزمن ذا مو عذر لإرتفاع الأسعار



قديم 13-03-2021, 09:57 PM
  المشاركه #29
العذار
عضو هوامير المميز
تاريخ التسجيل: Sep 2007
المشاركات: 12,768
 



اقتباس:
المشاركة الأصلية كتبت بواسطة extra22
فين المحافظة او القرية الكويسة اللي سعرها كويس

دلنا الله يجزاك خير
حريملاء ملهم المزاحمية ضرما مرات القويعية الخرج الدلم حوطة بني تميم ....



قديم 13-03-2021, 10:00 PM
  المشاركه #30
mhmd07
عضو هوامير المميز
تاريخ التسجيل: Jun 2020
المشاركات: 1,197
 



بعض الاحياء اسعارها غالية وغالية جدا جدا جدا لاسباب عدة

يريدون طبقة معينة تسكن في هذه المنطقة
تجلس المنطقة بهدوء ومافيها كثافة سكانية
وغيرها من الامور صراحة وتدخل في باب العنصرية وغيرها


عموما بالنهاية السوق يحكم منت مجبور تسكن او تشتري بمكان سعر المتر 3 ولا 5 الاف

بتلقى ب 1000 او 1500 باحياء نظيفة وجديدة ومرتبة ولا تجاري عالم منت بقدهم ماليا وتتعب



قديم 13-03-2021, 10:03 PM
  المشاركه #31
الصيرم
عضو هوامير المؤسس
تاريخ التسجيل: Sep 2005
المشاركات: 20,877
 



5000

الله المستعان



بارك الله فيك ونفع الله بك



قديم 13-03-2021, 10:07 PM
  المشاركه #32
تهـاويل
عضو هوامير المميز
تاريخ التسجيل: Jun 2009
المشاركات: 8,154
 



اقتباس:
المشاركة الأصلية كتبت بواسطة أبوريدان
عطيتك سبب يبرر ارتفاع الاسعار في كل شي ماهو في العقار بس
سيارات قبل كم سنة كان سعرها 145 الف الحين وصلت 230 الف
نفس الكلام الكهرباء كانت فاتورة البيت تقريبا 300 ريال الحين نفس البيت ونفس الاستهلاك وتدفع 1300 فاتورة
مالها دخل
السيارات الصناعة تتطور وتدخل فيها تقنيات
هل قبل كم سنة كان فيه رادار وتنبيه الخروج من المسار والنقطة العمياء والكاميرات وشاشات تدعم ابل كار بلي ... الخ ؟
اضف لها ارتفاع اجر اليد العاملة وتكاليف الشحن مع ارتفاع اسعار المواد الاساسية للصناعة

والكهرباء ارتفاعه بسبب رفع التسعيرة من الحكومة 240%

اعطيك مثال
التلفزيونات كانت تجي ياباني سوني ولا ناشيونال 29 بوصة اسعارها 3000 ريال
الحين تجي شاشات 4k و 50 بوصة اسعارها ماتتجاوز 2000 ريال
ليش هنا ما انخفضت العملة ؟

لكن كيف نقارن ارض لاتاكل ولاتشرب ولايدخل فيها مواد للصناعة او اجور يد عاملة بالصناعة ؟

السبب تعرفه الحكومة ولذلك فرضت رسوم الاراضي البيضاء



قديم 13-03-2021, 10:34 PM
  المشاركه #33
RILAX
عضو هوامير المميز
تاريخ التسجيل: Jul 2016
المشاركات: 4,886
 



اقتباس:
المشاركة الأصلية كتبت بواسطة بريتا
فيه ناس من طبقه معينه مايبون ناس من طبقه معينه يسكنون معهم

فيه ناس من ديار محدده مايبون ناس من ديار معينه يسكنون جنبهم
1- ردي على صاحب الموضوع ناس فلوسها زايده وانا اخوك وسعر المتر بخمسة الاف كانها خمسة ريال عنده بالراحه ولا انه ماتعب فيها او جايته الارض شرهه واعرف واحد ان ساكن في الدخل والان في الملقا وشاف حاله وانقطع عن العالم خير شر وجايته شرهه من معرفه له طبعا قبل تطير الاسعار .

2- ردي للي اقتبسته انا فيه ناس فعلا مايبون ناس بس هاللي مايبونهم جو بالقرض المدعوم وترك مساحة منزله السابق في احياء غرب وجنوب الرياض والحين وجهه وجه فقر ومتحاشرين في دوبلكس مساحته ثلاثميه وعليها واهل العقول في راحه ويسمع كلام الناس وخاصة النساء نبي الشمال .

3- بخصوص الاسعار وكلام العقاريين والعمله والخرابيط فيه ناس تضيع اسر كامله وتفقرهم فقر بسبب اغتنم الفرصه فرصه جتك على طبق من ذهب ان ماشريت الحين والله ماتحصلها بعدين وانا شوفني اخذت تمويل عقاري وكيفت نفسي على ثلاثه الاف يصفالي من راتبي وهو كذاب اشر لا مبين عليه تكيف ولا شي ثوبه من احلى مايكون وكشتات وطلعات ولا فيه ماركه الا لبسها ويقولك كيف نفسك مع الثلاثه الاف وهو لا اخذ تمويل ولا هم يحزنون بس فلسفه ومسوي عندي ادارة ماليه .

ودائما نقول اللي يده بالنار مو مثل اللي يده بالمويه



قديم 13-03-2021, 10:49 PM
  المشاركه #34
بن عبدربه
عضو هوامير المميز
تاريخ التسجيل: Jul 2007
المشاركات: 3,538
 



في عام 1425 تقريبا كان فيه مخطط في مكة تحت التخطيط وكنت انا واثنين من جيراني حاطين العين عليه متى مابدا البيع فيه بنشري وفعلا طرح المخطط ب 800 ريال للمتر وكنا نراها فاجعة كيف السعر الفلكي ذا ومن بيشري به وصل سعر المخطط الآن فوق 10 الاف للمتر ولا تجد لأن مردوده كاستثمار مجدي



قديم 13-03-2021, 11:17 PM
  المشاركه #35
رفاق
عضو هوامير المميز
تاريخ التسجيل: Jul 2019
المشاركات: 600
 



معنا زملاء بالاستراحه
من سكان الملقا والصحافه وساكنين بقصور
اقل واحد مساحة بيته 1000 متر
وقسم بالله ياكلون معنا ويشربون
بالاستراحه ومايقطون

والواحد منهم وجهه وسيع ومافيه حياء

اذا فاته العشاء
يسال وش تعشيتو ومن اللي جابه



قديم 14-03-2021, 12:02 AM
  المشاركه #36
extra22
عضو هوامير المميز
تاريخ التسجيل: Mar 2012
المشاركات: 2,687
 



اقتباس:
المشاركة الأصلية كتبت بواسطة العذار
حريملاء ملهم المزاحمية ضرما مرات القويعية الخرج الدلم حوطة بني تميم ....
كلها غالية ....



صفحة 3 من 4
1
2
3
4



الكلمات الدلالية (Tags)

مقنع

,

وزود

,

اشتري

,

يخليني


«

لم اتوقع في يوم من الايام اني

 |

مشكلتي مع شركة تقسيط سيارات..وين أهل الرأي.؟

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


03:14 PM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.