تكفا خلها تمخر عباب قلة المرؤة..! - هوامير البورصة السعودية

01-09-2014, 11:21 PM

المشاركه #1

كاتب مميز

تاريخ التسجيل: Oct 2005

المشاركات: 12,609

طبعآ كلكم سمعتوا البيت اللي يقول:-

تكفا ترا تكفا تــــهز الرجــاجيل
لولا ظروف الوقت مـــاقلت تكفا

لكن أغلبكم ماقرا القصيده كاملة
تمتعوا بجمال القصيدة
ــــــــــــــــــــــــــــــــــــــــــــــــ

مـن ذاق حـر القايلـــه يعشـق الليـل
ومـن شـب ضـوه ليلــــة البـرد يـدفـا

امســـيت في جيلٍ ولاهوب ذا الجيل
و اصبحـت والا ديـرتي شـبـه منـفـا

واللـــي حمـا بيتـه بطيــرٍ ابـــابيـل
ماجيت ادور كـل مـن صـد واقفـــــا

ولا جيـت ابشحـذ يانمـا دلـــه وهيـل
جيتـك وجـرح الظـلـم غــاديه يشفـا

جيتــك بكلمـه كــنهـا صعــقـة الويـل
وان قـــلـت تكفــــا لاتهــاون بتكفــا

تــكفا تراها كلمــةٍ تقــطم الحيـــل
لا بـــالله الا تـــــنسف الحــيل نسفا

تكفا تـرا تكفـا لهـا هــــدرة الســيـل
فـــي صدر حرٍ ينــتف الطيـب نتـفا

تكـــفـا تـرا تكفـا لـها تِسرج الخيـل
ان كــان لك في مجمع الـخيل عسفا

تكفــا تـــراني من قرومٍ مشاكيل
حمـــــاية الــسـاقـه بـــسيفـٍ وشــلفـا

تكفــــا تـــرى تكفـا تهـز الـرجاجيـل
لولا ظروف الوقــــت ماقلت تكفا

------------------------
‏‏‏‏‏‏‏‏‏‏‏‏‏‏‏‏هذي القصه حدثت للاميره:
نوره ال رشيد من شمر
عندما وقعت الحرب في حايل خرجت نوره مع عبدها
وعندما اتاها خبر مقتل اخوانها حزنت حزن شديد
وزاد ذلك ان العبد كف عن خدمتها بل اصبح يامرها
وفي يوم من ايام شافها تبكي واول مره يراها العبد تبكي
فاستغرب لان نوره كانت شديده وكانو اخوانها ينتخون بها
ودمعه نوره غاليه جدا؛
فسالها لماذا تبكين فقالت هذه

القصيدة :

أبكـي هلـي هــل العـلـوم المليـحـه
ولا ألوم عيني لو بكـت دمعهـا دم

إخوانـي أبكـي والقصـور الفليـحـة
إخـوانـي الـلـي لا بـغــو لازمٍ تـــم

ياما إنتخو بإسمي ليا حـل صيحـة
اليـا انتخـو بـي كافـر الجـن يسلـم

إسمي كما نجـمٍ ضـرب قـاع بيحـة
أو الصواقـع يــوم للضـلـع تـرجـم

نـورة أنـا بنـت الشـيـوخ الفليـحـة
أبوي حاكم وإخوتـي صفـوة الجـم

يا حيف حايـل فارقـن ريـح شيحـه
بذيك الشغايا تقل ما قيـل لـي سـم

محمـد طـلال اللـي جـرح للقريحـة
وناسٍ بنا خانـو ونـاسٍ بنـا نـم

خانـو بحايـل كاسبـيـن الفضيـحـة
وأهـل العمايـم جعلهـم فـي جهـنـم

أهــل العمـايـم يـدعـون النصيـحـة
جـهـال بــدوٍ مــا تـعــرف التـيـمـم

يالعبـد عقـب العـز كبـدي جريـحـة
حب الوطن يالعبـد مـن عصـر آدم

يالعبد ماهي مـن حكايـا الفضيحـة
خل السهر لي وإنت يالعبد قـم نـم

مـن أولٍ نأمـر تجـيـب الــذبيـحـة
واليوم ياعبد الندم صرت لي عم

الموضوع الأصلي : اضغط هنا || المصدر :
قصائد الهوامير

02-09-2014, 01:12 AM

المشاركه #2

ملاك الجنوب

عضو هوامير المميز

تاريخ التسجيل: Oct 2010

المشاركات: 3,935

واصبجت واﻻ ديرتي شبه منفى

روووعة القصيدتين واافصة مؤثرة

ارحموا عزيز قوم ذل

يعطيك العافية على النقل

استمتعت بالقراءة

قصيده أعجبتنى خيرُ أيَّامِ الفتَى يومٌ نَفَعْ

ياجار ماتدري عن أحوال هالجار

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

12:58 PM