من هو اليهودي اللي وصلنا هالمواصيل ؟ قصة مكعيل لمن لا يعرفها

صفحة 1 من 2

21-01-2007, 10:36 AM

المشاركه #1

بنادوول

مستشار شبكة ومنتديات هوامير البورصة السعودية
أبو ناصر

تاريخ التسجيل: Jun 2005

المشاركات: 17,518

من هو اليهودي اللي وصلنا هالمواصيل ؟ قصة مكعيل لمن لا يعرفها

السلام عليكم ورحمة الله وبركاته

قصة سوق الأسهم الحقيقية تكمن في السطور أدناه أتمنى ان تعجبكم

مكعيل هذا رجل بسيط يماني من صعده .. بلغني انه من يهود اليمن ..
الناس هناك مسوين بسطات حول التجمعات والجوامع ويبيعون فيها خردوات وحاجات وسلع متنوعة وبسيطة
السيد مكعيل صف معاهم وحط بسطه مافيها شي .. ما غير علبتين مليانه تراب "قواطي متربه" ..!

الناس تروح وتجي وتبيع وتشتيري وذا المهبول كل يوم قاعد قدام ذا العلب ..
لا هو راضي يغير النشاط ولا احد حاول يشتري منه شي ..
هاك اليوم جا احد المحسنين .. وعطف عليه ،
قال له : مكعيل
... وش تبيع ؟
قال : علب "قواطي" قديمة ..
قال المحسن : وش فيها ؟ قال مكعيل : تراب ..!!

الصدق منجاة .. عطاه اياه على بلاطه .. يقول : فيها تراب
يعني بالعقل .. العلب من الشارع والتراب بالشارع ..

اندهش المحسن ..!
قال : طيب اللي يشتريها وش يستفيد ؟
قال مكعيل : لو ما حد شراها منك انا اشتريها ..!
استغرب اكثر المحسن وقال : والله هالمسيكين "شكله منسم" وما عنده غير هالعلبتين ..
ابي اتقرب الى الله وافك عقدته واشتريها منه وخلصنا ..
والصدقة تجوز على ال***..
قال له : بكم هالعلبتين اللي لها سنه عندك ما حد شراها ؟
قال مكعيل : الوحده بريال ..
قال المحسن وهذي ريالين .. يالله هاتهم ..
اخذها وراح البيت ونطلها يمين الباب قبل
لا يدخل بيته ..

وتوه ما قعد والا الباب يطق : طقطق طق .. طقطق طق .. كع كع كع .. دجدج دج ..
بغى ينكسر الباب .. قام الرجال مفزوع وفتح الباب بسرعة .. الا مكعيل واقف ومعه حصاة بغى يهبد بها الباب لو ما فتح ...

قال المحسن : شفيك .. شفيك .. خير .. عسى ما شر .. مالك يا مكعييييييل ؟؟؟! "بلهجتهم"
قال مكعيل : العلب اللي شريتها مني ... ، قال المحسن : شفيهم ؟
قال مكعيل : عندك ؟
ناظر المحسن يسار الباب .. شافها منطوله .. قال : ايه .. موجوده
قال مكعيل : تبيعها ؟

اندهش المحسن وفغر فاه .. قال : انا الحين مسوي فيك خير ومخلصك منها ..
تجي تشتري ثانية .! والله ما تلقى احد ياخذها منك بعدي ..

قال مكعيل : اخلص علي .. ابعطيك فيها ربح بس تكفى بعني اياها ..
قال المحسن : وبكم تشتريها ؟
قال مكعيل : بخمسة ريال ..!!!
جن جنون المحسن : وقال يعني دبل السعر
وزيادة ..
قال : نعم واذا تبي زود عطيتك بس تكفى جبهم لي ..
قال : المحسن : لا لا كذا كفايه تفضل هاذي العلب لقطهم من عند رجليك وهات الخمسة ..
حط الخمسة بجيبة ومكعيل اخذ العلبتين وروح ..

يوم جا العصر والا هالرجال الطيب معلم جيرانه كلهم عن مكعيل وسوق مكعيل ..

قال لهم : مكعيل هذا يبيع قواطي ولو ما حد شراها منك يجي هو بنفسه ويشتريها منك بدبل السعر ..

اندهش الجميع وبدأ سوق مكعيل يثير فضول الجميع حتى التجار الشطار ..

جوا عنده اليوم الثاني والا هو صاف له 20 قوطي ومعبيهم تراب ...
الناس تطاقوا عنده .. كل واحد يبي يلحق له اكبر كمية قبل غيره ...
بكم يامكعيل ؟ قال : العلبة بخمسة ..!
ما كمل كلمته والا العالم ساحبين كل المعروض ..
اللي لحق علبتين واللي لحق علبه واللي
ما لحق شي لانتهاء المعروض على البسطه ...
وما امداهم يدخلون بيوتهم والا مكعيل يطق عليهم الباب : طقطق طق .. دبدب دب .. دجدج دج
ويطلب منهم شراء القواطي بضعف قيمتها .. يعني العلبة بعشرة .. !!!!!
انتشر خبر مكعيل وسوقه ،
ويقوم مكعيل هاك الليلة ويدور بالديرة كلها ما خلى جرف ولا دحديره في قرية صعدة الا فتش فيها عن قواطي قديمة ..
ادخلها بسطته بدون علاوة اصدار حتى ..

وعباها تراب وبسط فيها اليوم الثاني

صار اليوم هذا يوم جمعه .. يوم كثرة الناس واجتماعهم وتسوقهم ،
وهاليوم تحديدا جو الناس وهم متزهلين بالكاش طمعا في سوق مكعيل .
اللي باع ماشيته والا باع بسطة القات اللي تدخل عليه ذهب واللي باع سراويله ..

المهم كلهم وعقب صلاة الظهر اجتمعوا على بسطة مكعيل دون غيره وخلو السوق خاوي على عروشه ، وياتلحق يا ما تلحق

وتكفى يا مكعيل ، وبكم يامكعيل ؟ : قال العلبة بـ 95ريال ...!!!!!!!!
ما كمل كلمتة
والا البسطة باللي عليها ممسوحه مسح ..

عاد الاخوان هناك في صعده يقعد قدام بسطته القرفصاء ..
راز ركبه ورافع وزرته ومنحسره عن فخوذه ومتدليه اطرافها على جنوبه.. والناس ما تميز وقت الزحمة ..

حتى اللي مالحق باقي مسوي زحمة ومطلع دراهم يبي يذبها على الرجال ..
وهو يقول : خلاص .. خلاااااص مافيش .. مافيش .. تعالوا بكره .. وتجمعت الطلبات ولكن بدون عروض ..
وبعضهم زاود بعض في القواطي اللي عنده بعشرة وعشرين طمعا في تدبيلة مكعيل ..

عقب هالطقاق وراتفاع اسعار القواطي الفارغة او المليانة تراب الى ارقام فلكية وغير منطقية
جا اليوم الثاني والثالث والرابع ما جا مكعيل ..
طبعا كل يوم يتأخر عليهم .. تفقد من قيمتها شي واجد .. مدري كم تعادل بالنسبة ومن اللي يحط النسبة بس
كانت ماشية بالبركه .

راحوا اصحاب القواطي عنده .. قالوا شفيك .. عسى ما شر ما عاد جيت البسطة ولا عاد شريت
ولا شريت .. ولا .. ولا شريت يعني ..!!!!!!!! عسى ما شر .

قال : صحيح .. صحيح .. والله انا غيرت النشاط ...!!!!!!!!!
ولا عاد لي بها البضاعة مصلحة لكن اكيد بتلقون من يشتري منكم ..!!!!!!!!

صعق الجميع .. وعادوا الى قواطيهم لعلهم يجدون بداخلها ما يمنحهم شيء من الصبر
او يتعوضون به عن ما لحقهم من خسائر ..
فتحوها واذا هي مملوءه بالترااااااااااااب ... !!!!!!!!!!!!
فصار بعضهم يعرضها على بعض بنصف المشترى ..
اللي جوا في الاخير قالوا : يالله هات ، ويوم نشبت في حلوقهم عرضوها بنصف مشتراهم
وصارت ذا العلب مثل الجمرة في يد احدهم ويحاول يرميها على الثاني بأي شكل ،

وكل من بلش فيها عطاها غيره بنصف التكلفة الين تلاشت قيمتها وصارت ببلاش .. وصارت خساره
محظه ..

المشكلة ان كلهم يوم فكروا لقوا انهم بلا عقول .. فأخذوا يتلاومون : وين عقولنا ؟!
عاد هذولي من جد يبي لهم من يأمر لهم بعقول ..

معقولة نشتري علبة مصدية وما فيها غير تراب بما يعادل قيمة بقره حلوب ..؟!!!!!!!!

وهالحين .. يعني هالحين حنا يوم شرينا الاسماك بـ 400 ريال .. او بيشه بـ 280 ريال او الباحة بـ 220 جينا نناظر السهم مالقينا في بطنه ولا تراب حتى ؟ وش السواة فيه ؟؟
يعني التراب ينفع للبناء مثلا ..

وينك يا مكعيل تجي تشتري ما بعته علينا ولو بأقل بنصف التكلفة ..
ههههههههههههههه .. هذا حالنا مع سوقنا .. سوق مكعيل ..

عاد مكعيل هذا يهودي .. ولعبها صح .. وحنا مسلمين .. ولكن على قولة الشاعر..
من بد صهيون بذتنا صهاينا ..

السؤال اللي يمردغ نفسه : من هو اليهودي اللي وصلنا هالمواصيل ؟
:5:
هههههههههههههههههههه هه..... شر البلية ما يضحك

منقوووووووول

الموضوع الأصلي : اضغط هنا || المصدر :
الملتقى الــــــعـــــــام للهــــــوامــــــــيــــــــر

21-01-2007, 11:48 AM

المشاركه #2

مهلي

كاتب قدير

تاريخ التسجيل: Apr 2005

المشاركات: 5,333

ههههههههه حلوووه يا بو ناصر

والله يهودنا أشد والعن من مكعيل :5:

21-01-2007, 05:33 PM

المشاركه #3

ابراهيم ابوفيصل

عضو هوامير المؤسس

تاريخ التسجيل: May 2005

المشاركات: 7,121

ههههه حلوه ابو ناصر
السبب وانا اخوك الطمع وحب المال

25-01-2007, 03:01 PM

المشاركه #4

الحنون

عضو هوامير المؤسس

تاريخ التسجيل: Jul 2005

المشاركات: 6,871

المضاربين الكبار هم من أتقن لعبه

ووسائل الأعلان قامت بخدمتهم بثمن بخس

وهنالك أعوانهم في كل مكان وزمان

ولكن أين يذهبون من دعوه المظلوم

31-01-2007, 06:55 PM

المشاركه #5

شرقاوي

بو صالح
مشرف قسم الاسهم السعودية

تاريخ التسجيل: Apr 2005

المشاركات: 12,618

ههههههه بو ناصر الآن تذكرتها ههههههههه

بس اليهود هالأيام واصلين مواصيل مو صاحية

31-01-2007, 07:18 PM

المشاركه #6

مالك الحزين

كاتب قدير

تاريخ التسجيل: Feb 2006

المشاركات: 14,141

هههههههههههههههههه

31-01-2007, 08:21 PM

المشاركه #7

بندرالشدادي

مستشار الهوامير

تاريخ التسجيل: Oct 2005

المشاركات: 5,543

حلوووووووووووووووووووووووووووووه

وبرضه يهودنا العن

01-02-2007, 01:19 AM

المشاركه #8

ميلاف

نجمة استراحة هوامير

تاريخ التسجيل: Aug 2005

المشاركات: 1,127

حسبي الله عليهم
مكعيل يهودي وعرفنها
ولكن هل المنافقين الي يدعون الاسلام
ويظللون المسلمين

06-02-2007, 08:30 PM

المشاركه #9

alshamell

عضو هوامير المميز

تاريخ التسجيل: Jul 2006

المشاركات: 39

تــــــذكــــر : مـــن لا يـــرحــــم لا يــُـرحـــــــم . والــزمــــن دوار ولــيـس بــعــيــد

09-02-2007, 11:20 PM

المشاركه #10

خطاب

عضو هوامير المؤسس

تاريخ التسجيل: Jul 2005

المشاركات: 1,527

هههههههههههه
حلوه بالمره
على فكره مكعيل على مااعتقد
اسم شارع بالبطحاء

11-02-2007, 10:51 PM

المشاركه #11

جمبازي

عضو هوامير المؤسس

تاريخ التسجيل: Sep 2005

المشاركات: 993

اقتباس:

المشاركة الأصلية كتبت بواسطة خطاب

هههههههههههه
حلوه بالمره
على فكره مكعيل على مااعتقد
اسم شارع بالبطحاء

لا أخي الحبيب
هذاك حي معكال بالقرب من حي الشميسي
وتحيه خاصه لأخينا ابو ناصر على القصه الرائعه
والتي للأسف تمثل حالنا وحال سوقنا وهواميرنا خير تمثيل.

12-02-2007, 01:03 AM

المشاركه #12

العنقري

قلم الهوامير المميز

تاريخ التسجيل: Jun 2005

المشاركات: 2,492

هههههههههههههههههه

صفحة 1 من 2

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

12:35 AM

من هو اليهودي اللي وصلنا هالمواصيل ؟ قصة مكعيل لمن لا يعرفها

الملتقى الــــــعـــــــام للهــــــوامــــــــيــــــــر

لمن

لا

من

مكعيل

هو

هالمواصيل

وصلنا

اللي

اليهودي

يعرفها

اقرا ايضا

بعد طول إنتظار بريد Windows Live ******* أصبح باللغة العربية !

الفيصل) تعلن عن (43) وظيفة شاغرة بمستشفى الملك فهد الجامعي بالخبر