المشاركة الأصلية كتبت بواسطة مشعل أبوتركي
وش دخل هذي بتلك!!
نعم الفلوس وسخ دنيا
من يقول هذه العبارة تجده يتصدق ويعطي لمن يستحق وكريم بصورة تفوق الخيال .. ولكن ليس بالضرورة ان أسلفك هذا حلالي وشي راجع لنفسي
بعض البشر منزوع منه الحياء ينظر لصاحب المال أن ماله حقاً مشروع له
وفوق ذلك يتسلف ولا يسدد
أحد أقاربي أتصل علي قبل سنتين وطلب مبلغ سلف يعتبر كبير بالنسبة لي وله على ان يسدد "1000" شهرياً
قلت ابشر ارسل رقم حسابك والى الآن لم يسدد ريال واحد
بعدها اتصل علي اخوه وطلب مبلغ والان له سنة لم يسدد
تبغى المفاجئة !!
اتصل علي اخوه الاخر قال نحتاج وقفتك هذا الاخير اسمع له قصص بأنه يتسلف ويشهر باللي يتسلف منه على انه يشغله بطلب حقه
قلت ما عندي، قال يارجال انت معطي اخوي فلان وأخوي فلان
وترى عندي خبر ان عندك خير وعمارير وووو
قلت مهو متوفر عندي شي بهالوقت وإذا توفر شي سلفك
لذا من يعتبر الفلوس وسخ دنيا أنصدم بأشخاص أوسخ من الفلوس
يعتبر مال المقتدر حق من حقوقه
لدي دفتر ستين مليان من اصحاب المبالغ البسيطة 300-500 لأنهم ينظرون ان هذا المبلغ حق من حقوقهم