**** قاموس أهل البحرين **** - هوامير البورصة السعودية

04-02-2018, 08:27 PM

المشاركه #1

عضو هوامير المميز

تاريخ التسجيل: Oct 2012

المشاركات: 1,995

عرنجوش
: هي من الكلمة الانجليزية orange juice .. وصارت كلمة تنقال لكل انواع العصير هههههه ماعندهم وقت

زنجفره : فنيلة

سبرة أو سريده : بروده

لبلب : يقولون حق الشخص اللي يتكلم بطلاقة(هذي من وين جايبنها ما أدري)

تمبه : كرة

دون : قريب (هذي بعد ما نقولها)

قميظة : حسافة هذي يمكن أخوانا السنة يقولوها

مملوح : وسيم (خبري مملوح يطلق على اللي يشتغل واجد أي مكافح)

أدناة الدون : اقل شي

ورا = ليش (طبعا أخوانا السنة يقولوها)

قطه = أرميـه

سبيتار = المستشفى و اعتقد انها يايه من hospital (هذي ابدا ما نقولها)

الدختر يعني الدكتور .. أكيد تعرفون

عمبلوص = سيارة الاسعاف و يايه من ambulance خخخخخخخخخ
محيوب = ممنوع من شيء (من وين جايب هالكلمة ما أدري)

ميهود أو مجهود = مريض

سقطه = حر (هذي أول مرة أسمعها بعد)

سهده = هدوء هذي الشياب العتّق يقولونها

ميوه = خضرة و فاكهه على ما أظن )أي خضرة ما عندنا خضرة بهالاسم)

قلج أي غلق = صعب

غلّق الوقت = تأخر الوقت

عكس = صوره .... مثلاً خذلي عكس يعني صورني

عكوس = صور

الجابله = بكره أول مرة أسمع هالكلمة

بست = باص

قيلمه أو غيلمة = سلحفاة

قريظة : لها معنيين ( قليل) و ( بعد شوي) (ما أدري بعد عن هالكلمة)

انشد : اسأل

دويحه : دائرة

تميل عليك أو مالت عليك : طاح حظك

ربل : بلاستك أو مطاط مأخوذة من كلمة Rubber

دندره : ازعاج

سحة[/color] : تمر (ما أعرف هالكلمة)

نيشان : علامة أو إشارة

قراده : حظ سيء ومقرود طايح حظ

فرم : فرن

نحو الأمية : محو الأمية

نوبة الثانية : مرة ثانية

هالنوبة : هالمره

كشته :رحله

الللابله :عقب باجر... بال شنو هالكلمة بعد

قطيع :حمام الله إيعزكم (ما أعرف هالكلمة)

دجه :عتبه

أمسيان:المغرب

دهريز:مدخل البيت

كرفايه:سرير

دزدان:شنطه

كشمه:نظارة واللي يلبش نظارة يسمونه ابو كشمة

قبقاب:إنعال الله إيعزكم

روشنه:حفره في الطوفه في غرفة النوم لوضع الأغراض

خرمس :ظلام

حزاه : قصة

إحبيبة : قليل... ما نعرف هالكلمة

يزرط : يبلع بدون مضغ

هبيط : منخفض

نمونه : أخلاق او مثلا عادات الشخص (نمونته طيبة) يعني طيب الاخلاق ومن عايلة زينة

نمره : رقم

حفيز : office مكتب

بارظ : مزاج ... أكثر شي اخوانا السنة يقولونها

قصله : قصير

بريج : إبريق

بيديو : فيديو

عفر: يمكن

دامج: بارد أو خامل

ويش صاير: خاصة لأهل السنابس هم يعرفونها

خاشوقة: كلمة لأهل البلاد تعني الملعقة

خندريس: حتى الآن لم يتم اكتشاف معنى لهذه الكلمة والبحث مازال جاريا

كوّع: تعني ارجع من حيث اتيت (لفة على شكل حرف اليو باللغة الانجليزية)
منقول

الموضوع الأصلي : اضغط هنا || المصدر :
ساحات الهوامير المفتوحة

04-02-2018, 09:39 PM

المشاركه #2

راعي الشقحا

عضو هوامير المميز

تاريخ التسجيل: May 2012

المشاركات: 1,800

بعض الكلمات خاصة الي تقول عنها ما ادري من وين جايبنها هذي نقولها حنا يا اهل نجد

وابسألك يا نوبتر انت من وين ؟

04-02-2018, 11:26 PM

المشاركه #3

دار الاعمار

عضو موقوف

تاريخ التسجيل: Sep 2015

المشاركات: 2,020

هنديه وايرانيه

05-02-2018, 12:22 AM

المشاركه #4

سيف مجاهد

عضو هوامير المميز

تاريخ التسجيل: Aug 2014

المشاركات: 888

ياحلو كلامهم وياحلو ديرتهم
يالله عسى الغيث يسقي ذيك الأوطاني
اشتقنا لديار المحبة

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

02:46 PM

قاموس أهل البحرين

ساحات الهوامير المفتوحة

أهل

البحرين

قاموس

اقرا ايضا

مارايكم بهذا السبب للطلاق هل تؤيدونه

اعضاء المنتدى اصدقوني القول ايهم اكثر نصحا واصاب في توقعه