فيـــــــكم طرب ..

حسابي في الفيس بوك ..

خلوني أقولكم عن سالفة الفيسبوك مالي .. عندي حساب وحيد يتيم ما أشارك فيه أبداً ..

سويته قبل لا أجي على أمريكا بس عشان ربيعاتي في المدرسة ..

المهم على أيام مسابقة الملتقى كنت اشتغل على تقرير المسابقة و أدور على خلفيات للأخبار ..

لقيت خلفيات عجبوني واااايد .. يوم جيت بنزلهم طلب مني حسابي في الفيس بوك ..

ما حبيت أحط حسابي الأساسي و فكرت اسوي لي حساب جديد بس عشان انزل الخلفية ..

هنا كانت الصدمة الكبيرة .. سجلت الايميل و الرقم السري الجديد فجأة يقولي ان هالايميل مسجل ..

استغربت كيف أنا مسجلة بهالإيميل و أنا في حياتي ما سجلت .. المهم طلبت استعادة الكلمة السرية بعد ما تعبت ..

بالفعل وصلتني رسالة ع الايميل و غيرت الكلمة السرية .. تخيلوا طلع في حد مسجل بإيميلي ..

الغريبة كيف و متى ؟

اسمه مصطفى



بعدها صارت توصلني رسايل من الفيس بوك ..بس قبل ما وصلتني مع انه عنده اصدقاء كيف جي ما أدري ..

صراحة ما اهتميت وايد و طلعت من الحساب بعد الصدمة .. كملت شغلي في الموقع حطيت لهم هالحساب في الفيسبوك

كل حد يشيك على ايميله يمكن عنده حساب في الفيس بوك و هو ما يعرف

على طاري الفيس بوك و اليهال ههههه

عيال أخوي و أختي سو لهم حساب في الفيس بوك و انستقرام و تويتــر .. عايشين حياتهم ..

لا و في واحد منهم عنده تمبلر .. و الله العيال كبرت ..

طبعاً كلهم طالبين صداقة .. و أنا ما عندي مانع .. بس وحدة من خواتي نصحتني ..

قالت انصحك لا تضيفيهم سألتها ليش .. تقول لعوزني ضافوا كل صديقاتي و مأخذين راحتهم ..

تقول فشلوني .. جامعتها منزلين شي و راحت هي سوت لايك بعدها بشوي إلا و القروب كله مسوين لايك هههه

لا و يسولفون مع ربيعاتها .. اتقول طفشوني في حياتي ..

بعد كلامها قررت ما أضيفهم و اسوي لهم طاااف .. المهم يوم طولت عليهم أرسلت علياء بنت أخوي هالرسالة ..




هههههههه و الله كسرت خاطري و هي تترجاني .. لا و تتوسط لفطيم بنت أختي ..

ما رديت عليها .. و لا راح ارد عليها .. أكيد بتنسى يوم أوصل الإمارات ..