logo

هوامير البورصة السعودية > الاقسام الرئيسية لموقع هوامير البورصة > ساحات الهوامير المفتوحة

بعض الشيبان يقط كلمة مايثمنها الله يصلحه


صفحة 1 من 5
1
2
3
4
5
قديم 2023-08-01, 15:56
  المشاركه #1
الكيبورد الذهبي
عضو هوامير المميز
تاريخ التسجيل: May 2020
المشاركات: 740
 



بعض الشيبان يقط كلمة مايثمنها الله يصلحه

في العطل والاعياد والمناسبات والمأتم تكثر الاجتماعات العائلية

لكن احيانا تندم على حضورك لهذي الاجتماعات بسبب كلمة يرميها احدهم تسبب لك الحرج قدام الكل

او يسالك اسئله خاصة قدام الجميع تتحرج ترد عليها

وفي نفس الوقت صعب انك ترد عليه برد يحرجه احترما لسنه او مكانته



مثلا بالامس شايب قال لواحد من الاخوان على العشا، لك سنتين متزوج وللحين ما عندك عيال ، شكل العيب منك ولا كنت متزوج الثانيه

اخوي ماقدر يكمل لقمته وضاق صدره

ياليت نسمع منكم كيفة التصرف المناسب مع هالنوعية من الاقارب

وبعض انواع الاسئلة الي ممكن تحرجك او تجرحك
الموضوع الأصلي : اضغط هنا    ||   المصدر :

ساحات الهوامير المفتوحة
 
 
  
قديم 2023-08-01, 15:59
  المشاركه #2
Patriots
عضو هوامير المميز
تاريخ التسجيل: May 2022
المشاركات: 3,303
 



هذا خبل سواءا شايب والا غيره والحل الرد عليه بغض النظر عن عمره



 

قديم 2023-08-01, 15:59
  المشاركه #3
memories
عضو هوامير المميز
تاريخ التسجيل: Aug 2010
المشاركات: 30,613
 



انت جيت لمعقلهم الرئيسي . يجونك شوي



 
قديم 2023-08-01, 16:02
  المشاركه #4
سند السند
عضو هوامير المميز
تاريخ التسجيل: Jul 2012
المشاركات: 2,034
 



زبد له ماعليك منه
اعجبتني ذيك البنت اللي امتحنتها عجوز كل ماشافتها قالت انتي ليه ماتزوجتي لين هالحين كل جيلك تزوج وتغمز لها


البنت تضايقت واستجمعت شجاعتها وردت عليها مره وقالت انتي ياخاله بعد كل جيلك ودع وش تحترين في هالدنيا وغمزت لها ومن بعدها العجوز خنست ولعاد كلمتها

وصارت البنت تتفنن كلما شافتها في مناسبة غمزت لها تذكرها هههههههه



 

قديم 2023-08-01, 16:03
  المشاركه #5
bumohamed
عضو هوامير المميز
تاريخ التسجيل: Jun 2023
المشاركات: 3,078
 



اقتباس:
المشاركة الأصلية كتبت بواسطة الكيبورد الذهبي
في العطل والاعياد والمناسبات والمأتم تكثر الاجتماعات العائلية

لكن احيانا تندم على حضورك لهذي الاجتماعات بسبب كلمة يرميها احدهم تسبب لك الحرج قدام الكل

او يسالك اسئله خاصة قدام الجميع تتحرج ترد عليها

وفي نفس الوقت صعب انك ترد عليه برد يحرجه احترما لسنه او مكانته



مثلا بالامس شايب قال لواحد من الاخوان على العشا، لك سنتين متزوج وللحين ما عندك عيال ، شكل العيب منك ولا كنت متزوج الثانيه

اخوي ماقدر يكمل لقمته وضاق صدره

ياليت نسمع منكم كيفة التصرف المناسب مع هالنوعية من الاقارب

وبعض انواع الاسئلة الي ممكن تحرجك او تجرحك
موضوعك مهم

الفطنة والذكاء تساعد الإنسان على تفادي تلك الأسئلة
مثل ان يقول الله ما كتب لي .أن شاء الله ربي بيرزقني ومن هذه الكلمات . وحتى الصمت مفيد لانه السامع اذا كان عاقل بيعرف انه هذا السؤال فيه احراج للطرف الآخر فبيلوم السائل وليس المسؤول. صدق أحد الصالحين عندما قال اذا طال المجلس صار للشيطان فيه نصيب.



 
قديم 2023-08-01, 16:04
  المشاركه #6
ابراهيم@
عضو هوامير المميز
تاريخ التسجيل: Aug 2013
المشاركات: 11,331
 



جواب مختصر وبسيط : ((ما بعد الله اراد ))

حنا كذا نقول

لانزعل ولا نقوم ولا شيء عادي

.



 
قديم 2023-08-01, 16:07
  المشاركه #7
shedgum
عضو هوامير المميز
تاريخ التسجيل: Jun 2019
المشاركات: 1,648
 



لله في ذلك حكمة ولا إعتراض على حكمة الله



 
قديم 2023-08-01, 16:09
  المشاركه #8
Milioner
عضو هوامير المميز
تاريخ التسجيل: Sep 2011
المشاركات: 23,481
 



بكل صراحة هذا وقح وقليل أدب وذوق

كيف يقول لرجل في مجلس عامر بالرجال انت ليش ماجبت عيال للحين و اكيد أن العيب فيك ولا كنت تزوجت
حتى السالفة هذي لو انه رجال ما تكلم فيها وسط مجلس رجال لأن سوالف مثل جبتي ولد ماجبتي ولد وليش وكيف هذي سوالف حريم ويفترض على الرجال رد على الشايب وقال له مافيني عيب العيب في اللي يعترض على قسمه الله ويهرج فيها



 
قديم 2023-08-01, 16:14
  المشاركه #9
Milioner
عضو هوامير المميز
تاريخ التسجيل: Sep 2011
المشاركات: 23,481
 



اقتباس:
المشاركة الأصلية كتبت بواسطة ابراهيم
جواب مختصر وبسيط : ((ما بعد الله اراد ))

حنا كذا نقول

لانزعل ولا نقوم ولا شيء عادي

.
الصراحة هذا الرد جيد لو واحد قال لك
( جوك عيال؟ )
تقول مابعد الله اراد،
لأن تقدر تقول هذا استفسر منك او سئل بقصد المعرفة

لكن يقول( لك سنتين وماجوك عيال! اكيد العيب منك ولا كنت تزوجت ) وسط الرجاجيل هذي صراحة يُفهم منها تحقير الرجل والتقليل منه. ما ألومه اذا ضاق صدره



 
قديم 2023-08-01, 16:16
  المشاركه #10
نبيل شعيل
عضو موقوف
تاريخ التسجيل: Oct 2022
المشاركات: 3,742
 



يقول له زوجني بنتك
ومهرها خمس ريال لان امكانيتي تكفي بيت واحد
واذا حملت طلقتها واخذت ولدي
،



 
قديم 2023-08-01, 16:41
  المشاركه #11
قيس وعبله
عضو هوامير المميز
تاريخ التسجيل: Jun 2022
المشاركات: 803
 



اذا كبرها كبرت بخاطره وشال هموم ربما سنوات
لكن ياخذها بمزح ان ادع لنا ياشايب يمكن دعوتك مقبوله
والا يقول اتخذنا الاسباب والرازق الله وماشابه
اذا زعل يفرح آخرون ويتشفى العدو



 
قديم 2023-08-01, 16:44
  المشاركه #12
باحث23
عضو هوامير المميز
تاريخ التسجيل: May 2023
المشاركات: 2,286
 



انا حصل لي موقف شبيه
نفظت يدي و طلعت
رجعت لنفس المجلس في احد الايام و لا كأن حصل شيئ



 
صفحة 1 من 5
1
2
3
4
5


الكلمات الدلالية (Tags)

مايثمنها

,

الله

,

الشيبان

,

يصلحه

,

كلمة


«

المنتخبات السعودية على المستوى الآسيوي ….لاتعليق ،،

 |

جلسة مجلس الوزراء السعودي

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


18:38

الرجوع إلى الأعلى

Powered by vBulletin® Version 3.8.11
Copyright ©2000 - 2025, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.