سهرة الجمعه على ضفاف الاستراحه بضيافة صقار

ليـا عـاد انا مـن مــنزل البيت كـليت
وقمــت اتــذكر مــنزل بالنبــــــــاوه
.....
وهقيــت يامضنـون عيني وضــنيـت
بعــدك عــن اللـي ما يودك طــراوه
.....
تــرى التحضـري كنهـا حفـرة الميت
تســقيك مــن غبن القصــير اللعــاوه
.....
ولازم تصـير مـواضـب لو تـــدريت
تصبــح عــدو وانــت مابـك عــداوه
.....
تجيـــك ناس تنخـــت الشــين تنخيت
يالـــقـــون شـــيء مالقتــه القطــاوه
.....
وعــلومهم عــوج طــوال ســماريت
لــوجيتــهم معــك الـذهب صار ماوه

بــديت القــاف باسم الله عــلــــيم بخافي الغايات
عـظـــيم الشــان مــولانا ولي الكـون خـــللاقه

تــهـيض خـاطري يــبدع قصيد وينظم الجزلات
قــرايض شــهـد مــن فكري تقـاطردوب تــرياقه

كــتبت اشعــار نـاقــيها عـن التحوير والزللات
اعــذي منطـقي واعــرف جليل الهرج وادقــاقه

نصيحة قلتها مخـــلص ولاني للعــرب شمــــات
اخــص الفـاهم الـــــواعي عســاها تبلغ اعماقه

انا بـوصـيك يالعاقل بتقـــــوى الله والطـاعـــات
تــرى نفــس التـــقي دايم لفــعل الخــــير سباقه

تبصروافتهم واعرف ترى من طال عمره مــات
جــديد العــمر صــيوره ســمايا الجــرد خــماقه

خــذ التحــذيـر لاتنــسى تــــذكر هــادم اللـــذات
تــرى جــسم الفتى لازم يعـــوث الــــدودبشناقه

تــرى دنياك غـــراره تنــبه واحــذر الغفــــلات
ثمين الوقت لايمضي تـرى الاوقــــات ســـراقه

تـرى اللي فـرط بـوقته نـدم بالماضي اللي فات
يفـــر الــوقت دولابــه يســــــير ويوصل قناقه

تحــرص واعرف الدنيا تـرى الـدنيا بها ميلات
ولاتنغـــــر بالـــدنيا تـــراهــا دوم صفــــــاقه

ولا تـــامن غوايـلها لوانـت بمنصب الباشــات
تـرى كـف الـزمن لابـد يـلوح الخـد بطـراقــه