سهرة الجمعه على ضفاف الاستراحه بضيافة صقار

السلام عليكم ورحمة الله وبركاته

اكيد اني وصلت متاخر وعذري الطريق من الشرقيه الى الرياض

وزيارة الوجيه الطيبه ينعنالها لوهم الاف الاميال

عندي قصة لكن الوقت متاخر وان شاء الله ان الله كتب لنا عمر نقصها عليكم في سهره ثانيه الليله نقول لكم قصيده اتمنى تحوز رضاكم .


اليوم جابتك الطواري على البال
وفي وسط عيني كن زولك تهيا

وقمت انشدك بعد البطا كيف الأحوال
يامن سكن في وسط حدب الحناااااايااااا

ياصاحبي بعض الغلاااا صعب ينقال
تفهم عيونك والفعايل نواياا

ياصاحبي والحب جاير وقتال
الجرح ينزف والمشاعر ضمايا

صرت بشموخ داخل القلب تختال
وعز الله اني زرت حوض المنا يا

خل الهدب يعزف للأحباب موال
باقي من الذكرى رسوم وبقايا

تعال ماباقي من الصبر مثقال
عطني حنانك واخذ جزل العطايا

( ضما الفرح )